Fierder hawwe wy op besite west by it projekt foar takom jier, in 3 – klasselokalenblok yn Naliéle. De ûnderwizers en de doarpslju binne der al hielendal klear foar. De âlden hawwe al in part fan it sân sammele fia amers op ‘e holle. In hiele put, hast net te dwaan. Dêrom wurdt it restearjende sân en grint no dochs mei de frachtwein oanfierd. Yn jannewaris wurdt úteinset mei it meitsjen fan de betonnen stienen.

Ik haw mei west nei Lusaka om boumaterialen en alderlei tabehearren yn te keapjen foar de hjoeddeistige projekten; it Kaoma Tradesenter en it BmB guesthouse. In enoarme put yn dizze hektyske stêd. Keapmansgeast, effisjinsje en trochpakken wie it mantra! Ek it regeljen fan transport nei Koama is gjin sinekure! Dêrneist haw ik mei de trije BmB Kaoma bestjoersleden in tal deeglike twaddehânske Toyota Landcruisers besjoen omdat ús hjoeddeiske BmB Toyota Hilux syn bêste dagen hân hat! Uteinlik koene wy ús unanym fine yn de auto dêr’t ús sjauffeur Hamulonda it meast entûsjast oer wie!

Wat my ek altyd bybliuwe sil fan dizze 6 wiken binne de meislepende, prachtige muzikale katolike missen yn de lokale Lozi taal. De niging om mei te sjongen en te dûnsjen koe ik mar amper ûnderdrukke!

Grutte skuon